ORBETELLUM vulgo ORBITELLO

ORBETELLUM, vulgo ORBITELLO

oppid. munitum Italiae, in Hetruria et in territorio Senensi, intr stagnum cognom. prope oram maris Tyrrheni, et ad radices montis Argentarii; subestque dominio Hispanorum cum ditiuncula adiacente. Distat 35. mill. pass. a Centumcellis in occasum, et 50. ab Ilua insula in ortum; pendetque in spiritualibus ab Abbate Trium Fontium, ad Aquas Salvias, prope et extra Romam. Fortier restitit turcis sub Carolo V. et Gallis, A. C. 1646. Notandum est Orbetellum fuisse alias sub dominio Rei publicae Senensis. Sed ex quo Sena cessit magno Duci Hetruriae, Hispanus retinuit Orbetellum cum oppidis Telamone, Portu Hercelius, Portu s. Stephani et Monte Argentario; eaque praesidiis set arcibus munivit: unde tractus adiacens in ora maris Tyrrheni dicitur Stato delli presidii ab incolis.